Swarthi Man

kyun man itna khali hai, kyun koi soch nahi hai isme
kya thak gaya ye bhi, ek ardh viraam ki talaash mein
jaane kitne khwaab liye, ghooma tha door tak
ab laut aaya hai manzar pe, par dil thora bhaari hai
samet laaya hai apne saath aahein kisi aur ki
nahi kahoonga kyun gaya tha tu itni door tak, kyun ghooma tha
gaya tha kuch dene, ek muskaan jo adhoori thi
par swarthi man, phir kuch leke aa gaya hamesha ki tarah

- Saurabh