Rishton ke Rafu-Gar

Har rishtay ke libaas mein chhupay the chaak kyun,
Jinhein humne silne chaha, wohi kar gaye paak kyun.

Ta'alluq ka har dhaaga tha hum se bandha hua,
Hum ne thoda kheencha kya, to sab tut gaye ba-khudaa.

Mohabbat mein hum wafaa ke fasaane likhte rahe,
Aur log, harf-e-gilaa ko bhi baywafaa samajhte rahe.

Jin par rooh daal di, unhi ne jaan chheen li,
Zakhm bhi diye, aur phir marham ki tahqiir ki.

Ajeeb sheher hai ye, jahan jazbaat bikte hain,
Tu door ho to yaad, paas ho to shak nikle hain.

Mausam sa hai insaan bhi, rang pal mein badal jaaye,
Aur hum samajh baithe the, ke dil kabhi bewafa na aaye.

Bas itna hi kehna hai, ab silaiyon se dar lagta hai,
Kyunke har chaak pe kisi apne ka naam likha milta hai.

Saf-e-Awwal

Aisa nahi ke pyaar nahi phir bhi adhura sa kyun hai

sab kuch hai, phir bhi kuch na hone ka ehsaas kyun

kyun Qatar ke beech se jhankti hain nigahen sabhi ko

Kyoon nahin saf-e-awwal mein tarjeehaat-e-khalq ki?

yoon muqaddar mein faqat intezaar ka hissa hai?

kyun jatana padta hai, maangna padta hai sab kuch

kuch haq to mujhe bhi ada kar ki shikwa kar sakoon koi

Yeh tanhaayi gale lag jaati hai aur sochta hoon main

ki ye bas ek guzarta lamha hai ya haqeeqat hai meri

Dil karta hai ki sab kuch chhod ke chale jaaun kahin,  

Kisi gali, kisi raaste mein kho jaaun kahin

Jahan koi sawal na ho, koi umeed na ho

Par phir muskara deta hoon isi ummed mein

Ki shayad kisi ke liye ek pal ki roshni ban jaaun

Kya pata kisi din kisi ke liye

main bhi uski duniya ka pehla insaan ban jaaun

Saf-e-Awwal - the first row

Tarjeehaat-e-Khalq - the priorities of the people

- Saurabh (Adi)