Chandni

Chand maddham tha us roz, khafa sa bhi
Chandni jo nadarad thi falaq se daffattan
Afvah hai ke humare aangan ki voh roshni
Na diya na khaliq hi tha
Teri khushboo se bhar gaya registaan mera
Tu na Sarab na to fareb hi hai
Aankhen khol li phir maine, khwaabon ki zarrorat nahi Sukoon ke liye ab

Khaliq - Almighty, Sarab - Mirage

- Saurabh (Adi)

Izhaar

izhaare mohabbat karna tha, par lab bhi sile palkhein bhi jhuki
voh taakti khali teri nazrein, aur khauf bhi hai ruksat ka kahin
ek baar tasalli de zaalim, phir dekh nazar woh roomani
is shaiton ki basti mein, tu ban ja farishta, gair na kar
phir lafz-e-ruksat jo tune kahe, tab dhund chati, aur ilm hua
na tujhko gumaan, na koi asar, is dil ko tassali kya dije

- Saurabh (Adi) & Pregiya D