Dono Jahan Teri Mohabbat

Dono jahan teri mohabbat mein haar ke
wo ja raha hai koi shab-e-gham guzaar ke

Veeran hai maikada khum-o-sagar udas hai
tum kya gaye ke rooth gaye din bahar ke

Ek fursat-e-gunah mili, wo bhi chaar din
dekhe hain ham ne hausale parvar-digar ke

Duniya ne teri yaad se begana kar diya
tujh se bhi dil fareb hain gham rozagar ke

Bhule se muskura to diye the wo aaj 'Faiz'
mat pooch val-vale dil-e-na-kardakar ke

- Faiz Ahmad Faiz