Jaane Woh Kaise Log The Jinke!

Jaane Woh Kaise, Log The Jinke, Pyaar Ko Pyaar Mila
Humne To Jab Kaliyan Maangi,Kaaton Ka Haar Mila

Khushiyon Ki Manzil Dhoondi To, Gam Ki Gard Mili
Chahat Ke Nagme Chahe To, Aahen Sard Mili
Dil Ke Bojh Ko Dugna Kar Gaya, Jo Gam Haar Mila
Humne To Jab Kaliyan Maangi, Kaaton Ka Haar Mila
Jaane Woh Kaise, Log The Jinke, Pyaar Ko Pyaar Mila.

Bichhad Gaya Har Saathi Dekar Pal Do Pal Ka Saath
Kisko Phursat Hai Jo Thaame, Deewanon Ka Haath
Humko Apna Saaya Tak Aqsar Bezaar Mila
Humne To Jab Kaliyan Maangi, Kaaton Ka Haar Mila
Jaane Woh Kaise, Log The Jinke, Pyaar Ko Pyaar Mila.

Isko Hi Jeena Kehte Hain To, Yunhi Ji Lenge
Uff Na Karenge, Lab See Lenge, Aansoo Pee Lenge
Gham Se Ab Ghabraana Kaisa, Gham Sau Baar Mila
Humne To Jab Kaliyan Maangi, Kaaton Ka Haar Mila
Jaane Woh Kaise, Log The Jinke, Pyaar Ko Pyaar Mila.

- Hemant Kumar (Pyaasa)

http://www.youtube.com/watch?v=25cq4o-ZsiU&feature=related