Dil aakhir tu kyun rota hai!

jab jab dard ka baadal chaaya
jab gam ka saaya lahraaya
jab aanson palko tak aaya
jab yeh tanha dil ghabraya
humne dil ko yeh samjhaya
dil aakhir tu kyun rota hai
duniya mein yun hi hota hai
ye jo gahre sannate hain
waqt ne sabko hi baatein hain
thora gam hai sabka kissa
thori dhoop hai sabka hissa
aankh teri bekaar hi nam hai
har pal ek naya mausam hai
kyun tu aise pal khota hai
dil aakhir tu kyun rota hai

- Javed Akhtar (ZNMD)

Kya Sach Hai Zindagi

2 hairan aankhen dekh rahi hain khel duniya ke
mano kisi aur duniya se choot gaya ho jaise
anjaana, hairan, ab aadat si hone lagi hai jise
na koi sawaal, na koi maksad, bas hairan
uljha hai is soch mein ke kya yahi hai zindagi
kya yahi chupa hai har muskarahat ke peeche
kya sirf voh nahi jaanta ke khushi kya hai
ya yahi hai khushi, banawati, rubber se hoton pe
khicti hui lakiren, kya sach mein...
koi jawaab nahi, phir bhi sau jawaab hain
koi sach nahi, phir bhi sab sach hai
par ek khwaish hai, aasha hai
ke dhoond layega voh zindagi, aur jiyega use
ya phir chala jayega jahan se aaya hai, khaali haath
kyun aankhen nam nahi hai, dar hai use,
ke jakad na le ye soch, rok na le use pankh failane se
nahi, badalna hoga
ek nayi soch, ek naya pratibimb ubharna hoga
isi aasha mein ruka hai ke sach hai ye zindagi

- Saurabh